#圖文不符
#中女初老症
曾幾何時成日聽呀爸呀媽講
「而家d歌不知所謂，都唔知佢唱嘜！」
「d歌詞亂咁黎，以前就唔同呢，真係有意思架人地」
呢幾年踏入三字頭
我都開始發覺自己有少少呢個傾向
覺得自己果個年代最風光最流行
而家d妹妹仔鐘意d韓星 我一個都唔識
香港就仲慘 名都噏唔出
一句到尾「一代不如一代」
直到上年聽到當奴係頒獎禮講左句
「幾時開始自己咩都唔識又唔去留意，反而變成一種值得炫耀嘅事？」
我就諗起我自己同好多香港人一樣
咩都鐘意批評一餐
自己唔識唔留意 就去自藐人地
一句到尾成個「老屎忽」咁
真係老都話 但香港真係有好多後生老屎忽
包括我
我就覺得要改變下自己
Be proud無問題 但要學習Open Mind
但呢個係需要時間同過程
例如我到而家聽電台都仲係聽緊少爺占同森小
韓星仲未有興趣了解
但我鐘意左Mirror 哈哈🤣
講真呢d興趣野/娛樂野事小
但同一個心態如果可以放係生活上唔同細節
其實會有好大改變 ❤️
唔想咁快初老 自己真係要update下自己嘅思維
唔係第時好快同兩個細路有代溝🤣
Search